የአርባምንጭ መካነ ኢየሱስ ቴክኒክ ኮሌጅ በ1964 ዓ.ም የተመሠረተ አንጋፋ ተቋም ነው። ኮሌጁ ሲመሠረት በእንጨትና በብረታ-ብረት ሥራ ጐበዝ ተማሪዎችን ከ6ኛ ክፍል ተቀብሎ ሥልጠና መስጠት ጀመረ። ከ1973 እስከ 1976 በእንጨት ሥራ፣ በብረታ-ብረት ሥራና በአውቶ ሜካኒክስ ከ10ኛ ክፍል ተማሪዎችን ተቀብሎ በ10+2 ማሠልጠኑን ቀጠለ። ከ1977 ዓ.ም ጀምሮ ደረጃውን ወደ 10+3 በማሳደግ ተማሪዎችን በዲፕሎማ ደረጃ ማስመረቊን ቀጠለ። ኮሌጁ እንደገና በአዲስ መልክ በመደራጀት ከ1999 ዓ.ም ጀምሮ ዛሬ የሚጠራበትን ‘የአርባምንጭ መካነ ኢየሱስ ቴክኒክ ኮሌጅ’ ስም በመያዝ ከደረጃ 1 እስከ ደረጃ 4 ድረስ ብቊ ተማሪዎች እያፈራ ዛሬ ላይ ደርሷል። ኮሌጁ ከ2010 ዓ.ም ጀምሮ በአራት የመጀመሪያ ዲግሪ ፕሮግራሞች የዕውቅና ፈቃድ አግኝቶ ማስተማር ላይ ይገኛል።